شجاك وبطلت من ماتسئل شبيك

من امشيت حافي بنص درابين
سمعت اصوات صاحت الله وياك ..

درت وجهي اعاين بلكي الاكيك
شفت شامت يصيح روووح باعاك ..

خذت عمري اشكرك انة ممنون
تجازيني بغدر خير الله جازاك ..

محضرلك عطر بس كون امر بيك
عطر كل ذكرياتي الضاعن وياك ..

كبل تحجي وية غيري وانة موجود
وما اسئلك اكلك ياهو حاجاك ..

كبل كاعد بكلبي ومنة متروح
لكلب غيري رحت لك ياهو وداك ؟!!

اشعار, شعبية, عراقية

بعد ماحـاجه اتــعــب وبــنــي حــمــام
لان بـالـــبــيـت صـــايــر عـنــدي مـسبـح

واذا مطــرت الــدنــيا تـــكـــول صار اعــصــار
كل الـــبــيـــت يـــغرك مــايـظــل مــطـــرح

واذا رايد تــمثـــل انت تــيــتـــانـــيـــك
تعال ابــيــتـــي مــثــل خـــوش مــســرح

وللـــمطـــبخ اذا فكـــرت انـت تـــروح
شرط عـــنــدك ســـفيـــنــه وغواص يسبح

واذا خــطــار اجونـــي ورادو يـــبـــاتون
النوم يــصــيـــر وكفه لحد ماالصبح يصبح

وبعد مـــاداعــي احجيلك عل باقي من البيت
اظـــن وضـــحــت الـفـــكره وماكو داعي اشرح